Gowy habar–Aprel 2015 –Merhemet we Hakykat Žurnaly
Ol alty gezek ölmäge taýýardy
Bir belli wagyzçyşeýle hekaýany gürrüň bererdi:
Bir wagtlar men Mery atly, ýedi ýaşly, gaty syrkawja gyzjagazy görmäge gitdim. Ol meni gyssagly görmek isledi, şonuň üçin men onuň öýüne gitdim. Olar meni onuň otagyna eltdiler we men onuň düşeginiň gapdalynda oturdym.
“Ine, men geldim.Aýt, gyzjagaz, sen meni näme üçin görmek islediň?” diýip soradym.
“Men ölmezden öň siziň bilen gürleşmek isledim.”
“Emma,” diýip, men haýran galyp soradym, “Sen näme diýdiň? Sen öljekmi?”
“Hawa, men öljek.”
“Sen bejergi alyp, sagalmak islemeýärmiň?”
“Ýok, jenap,” diýip, ýaş Mery tassyklady.
“Emma ... näme üçin ýok?”
“Sebäbi men Mesihçi bolanymdan bäri,”çaga uly sabyrlylyk bilen jogap berdi, “köp gezek kakamy ybadathana äkitmäge synanyşdym, ýöne ol gitmek islemeýär. Men ölsem, siz meniň jaýlanyş dabarasynda Hoş Habary wagyz edersiňiz öýdýän. Şeýle dälmi?”
“Hawa, gyzjagaz.”
“Men ölsem, kakamyň jaýlanyş dabarasyna gitmeli boljakdygyny öýdýän. Men onuň Hoş Habary eşitmegi üçin alty gezek ölmäge taýýar bolardym.”
Biziň gürrüňdeşligimizden köp wagt geçmänkägyzjagaz aradan çykdy. Ýöne ol jaýlanmaly wagty men gaty agyr syrkawladym we onuň jaýlanyş dabarasyna gatnaşmak maňa mümkin däl boldy.
Biraz wagtdan soň bir jenap maňa ýakynlaşdy we sorady: “Siz meni tanaýarsyňyzmy?”
“Bagyşlaň, jenap. Men sizi tanamaýaryn.”
“Men kiçijik Meriniň kakasy –onuň ölen kakasy. Men onuň meniň Hoş Habary bir gezek eşitmegim üçin alty gezek ölmäge taýýardygyny eşitdim. Bu maňa gaty täsir etdi we indi men halas bolmagyň ýoluny bilmek isleýärin.”
Şondan gysga wagt soň jenap Isa Mesihi öz şahsy Halasgäri hökmünde kabul etdi.
“‘Söz saňa ýakyn,agzyňda we ýüregiňde’ (ýagny, biziň wagyz edýän iman sözi); eger sen agzyň bilen Reb Isa ykrar etseň we ýüregiňde Hudaýyň Ony ölülerden direldendigine ynanýan bolsaň, sen halas bolarsyň. Çünki ýürek bilen dogrulyga ynanýarlar, agyz bilen bolsa halas bolmak üçin ykrar edýärler. Çünki Mukaddes Ýazgyda şeýle diýilýär: ‘Oňa ynanýan hiç kim utandyrylmaz’ ... Çünki ähli zadyň Rebi bolan şol bir Reb, Oňa ýüzlenýän ähli adamlara baýdyr. Çünki ‘Rebbiň adyny çagyrýan her kim halas bolar’” (Rimliler 10:8-13NKJV).
“Reb Isa Mesihe ynan, şonda sen we seniň öýüň halas bolarsyňyz” (Resullaryň Işleri 16:31).
Siz nähili, eziz okyjy?Siz munuň kiçijik çaganyň imany ýaly ýönekeýdigini görýärsiňiz. Näme üçin şol süýji gyzjagaza we onuň toba eden kakasyna goşulyp, Halasgäri we ebedi ýaşaýşy özüňiz kabul etmeýärsiňiz?Biz size nädip etmelidigini aýdyp bileris.
Bu bizden kitapça görnüşinde elýeterlidir – ýöne diňe ispan dilinde. Ispan kitapçasy #101-i soraň.