Uzakdan sykylyk sesi eşidildi. Kren strelkalary derrew bir gyra çekildi we adamlar Pensilwaniýa demir ýolunyň geçelgesinden çykdylar. Bu birnäçe ýyl ozal Filadelfiýada köpri guran işçiler üçin adaty zatdy. Adamlar takmynan bir minutdan gürrüldäp geçjek ekspress otlusyna garaşmak üçin durdular. «Eger şol sykylykçy öz wagtyny ýitirse, biziň üçin erbet bolar» diýip bir işçi aýtdy. Emma betbagtçylyk bolanda, duýduryş ýoklugyndan däldi.
Bir gün adaty sykylyk sesi eşidilende we adamlar adaty ýagdaýda ýoldan çykanda, iki adam ýanaşyk ýola geçdi. Bu ýeterlik derejede howpsuz ýaly görünýärdi. Olar demirgazyga barýan ýük otlusynyň haýal-ýagallyk bilen özlerine tarap gelýändigini, sykylygynyň gygyrýandygyny synladylar – ýöne olar ýoldan daşdady. Şol otlynyň adaty däl derejede köp sykylyk çalýan ýaly, we ýoluň adaty däl derejede köp titreýän ýaly görünýärdi. Iki adam duran ýolunda Waşington Ekspressini hiç haçan görmedi. Ol olary ebedilige zyňdy! Olar howpsuz ýerde diýip pikir etdiler; olar düýbünden ýalňyşdylar.
Mukaddes Kitap aýdýar,
Adama dogry görünýän bir ýol bar, ýöne onuň soňy ölüm ýoludyr (Süleýmanyň tymsallary 14:12).
Köp adamlar käbir howplary bilýärler we ahlakly ýa-da dindar ýaşamaga çalyşýarlar, Hudaýyň gözünde merhemet tapmaga synanyşýarlar. Bu diňe bir howpdan ýalan howpsuzlyga ädilen ädimdir, çünki biziň öz-özümizi aklamaklygymyz bizi hiç haçan halas edip bilmez. Diňe bir howpsuz ýer bar we ol Mesihdir. Diňe Onuň Golgata haçyndaky ölümi bizi Hudaýyň gazabyndan halas edip biler:
Başga hiç kimde halas ediş ýokdur, çünki adamlaryň arasynda biziň halas bolmaly başga hiç bir ady ýokdur (Resullar 4:12).
Hudaýyň duýduryşyna häzir gulak salyň! Gijikmänkäňiz Isany Halasgäriňiz hökmünde kabul ediň. Biz size nähili etmelidigini aýdyp bileris.
