Hoş Habar – Maý 2017 – Merhemet we Hakykat Žurnaly
Hudaýyň Merhemeti
Bir garyp aýal barada gürrüň berilýär, ol ähli töleglerini töläp bilmändir. Bu aýalyň kynçylygyny eşidip, bir rehimdar jenap kömek bermek niýeti bilen onuň öýüne gelipdir. Birnäçe wagt gapyny kakyp, jogap almadyksoň, ol aýalyň öýde däldigini çaklap, yzyna gaýdypdyr.
Şol hepdäniň ahyrynda bu aýal bilen duşuşanda, ol aýala öýüne baryp görendigini aýdypdyr. Aýal: “Waý, şol sizmidiňiz? Bagyşlaň. Men kärendeçiniň kärende puluny almaga gelendigini pikir etdim we oňa berjek pulum bolmandygy üçin gapyny açmaga gorkdum” diýip jogap beripdir.
Edil şol garyp aýalyň özüne kömek etmek isleýän adama gapysyny açmadygy ýaly, müňlerçe adam hem bu gün Hudaýa şeýle garaýar. Olar Hudaýyň ýürekleriniň gapysyny kakanda, olardan bir zat talap etmäge gelendigini pikir edýärler, ýöne nähili ýalňyşlyk!
Ol bermäge gelýär, size degişli bergiňizi talap etmäge däl. Ol sizi kynçylyklaryňyzdan halas etmäge we size gökde ebedi miras bermäge gelýär. “Çünki Ynsan Ogly hyzmat edilmäge däl, eýsem, hyzmat etmäge we köpleriň ugrunda Öz janyny töleg hökmünde bermäge geldi” (Markus 10:45).
“Çünki siz Rebbiňiz Isa Mesihiň merhemetini bilýärsiňiz, Ol baý bolsa-da, siziň üçin garyp boldy, şonda siz Onuň garyplygy arkaly baý bolarsyňyz” (2 Korinfliler 8:9).
“Ine, Men gapynyň agzynda durup kakýaryn” (Ylham 3:20).
Siz ähli zerurlyklaryňyzda size kömek etmek isleýän Zada ýüregiňiziň gapysyny açarsyňyzmy? Ol häzir gapyny kakýar, ýöne näçe wagt durup garaşar? Biz size nädip etmelidigini aýdyp bileris.
Bu traktatyň bir görnüşi ispan dilindäki #109 traktat hökmünde bar, ony *Merhemet we Hakykat neşirýatyndan alyp bilersiňiz.
