Hudaýa öwrülen biz Rebbiňkidiris! Biz Oňa degişli! Näme bolsa-da, biz wagt we ebedilik üçin Onuňkydyrys! Siz munda kök urup, berk duranyňyzda, tebigy ýagdaýda gaça durjak köp zatlara döz gelip bilersiňiz.
Ýüregiňizde bol bol ýaşaýan söz size tebigy bolanyňyzdan has köp batyrlyk berýär.
Men obada iman eden iki sany mähriban mesihçi ýigidiň uly şähere işe gidip, ikisiniň hem bir ýerde ýaşaýandygyny eşitdim. Olar bir ýatylýan otagy eýelemelidiler, we olaryň hiç biri Halasgäre degişlidigini aýtmandy.
Her biriniň aňynda beýlekisi dyza çökermi diýen sorag döredi, ýöne beýlekisi öz-özüne: «Men onuň şeýtmesini isleýärin» diýýärdi. Ikisiniň hem muny etmäge batyrlygy ýokdy; şeýdip, olar eşiklerini çykarmak üçin mümkin boldugyça köp wagt sarp edip, dowam etdiler.
Ahyrynda biri dyza çökdi. Beýlekisi derrew dyza çökdi, we turanda dostunyň gujagyna girdi. Ol: «Seniň muny edeniňe begenýärin» diýdi.
Şol iki ýigit, şol ýönekeý hereket bilen, belki-de dogasyz durmuşdan halas boldular.
Siz Daniýeliň şol döwrüň harby güýji tarapyndan Babylystana ýesir edilip äkidilendigini ýatlaýarsyňyz; ol: «Men iki zat üçin barýaryn. Men dünýä ‘ÝOK’ diýjek, we Hudaýa DOGA etjek» diýdi.
Şol ýerden başlaň! Özüňize ahlak taýdan berk duruň, we dünýä dürli görnüşlerde gelip, size ýüzlenende, oňa şol kiçijik «Ýok» sözüni beriň.
Dünýä «Ýok», ýöne Hudaýa «Hawa». Daniýel ähli alymlardan we bilimli adamlardan has üstünlik gazandy, we beýlekileriň bilmeýän zatlaryny bilýärdi. Ol diňe bir häzirki döwürde öwredilmek bilen çäklenmän, eýsem, uzak geljege seredip, bu dünýäniň patyşalyklarynyň ýok edilmegini, we Rebbimiz Isa Mesihiň peýda bolmagyny we patyşalygyny pygamberlik edip bilýärdi.
