«Hudaý gürledi» (Gelip çykyş 46:2). Her bir adam Hudaýyň sesini eşidip biler. Adam diňlese, Hudaý gürleýär. Hudaý gürläninde, adamlar üýtgeýär. Adamlar üýtgedende, milletler üýtgeýär. Gadymy döwürlerde Hudaý gürledi we Onuň Musa daga aýdan ajaýyp zatlary asyrlar boýy adamlary ruhlandyrdy. Ýyllar boýy Hudaýyň adamlary Onuň sesini eşitdiler.
Hudaý Jorj Müllere gürledi we ol imanyň häzirki zaman resuly boldy.
Hadson Teýlor ýatda galyjy Şenbe güni irden deňiz kenarynda ýöräp barýarka Onuň gürleýändigini eşitdi we şol Sese tabyn bolup, Hytaýyň içki bölegine gitdi, şol uly ýurduň her bir welaýatynda Missiýa stansiýalaryny döretdi.
Hudaý Dr. A. B. Simpsona gürledi we ol gowy ýola düşen ýoldan çetleşdi we gadymy Ybraýym ýaly «nirede barýandygyny bilmän gitdi.» Häzirki wagtda dünýäniň ýigrimiden gowrak Missiýa meýdançasynda işleýän Hristian we Missiýa Bileleşigi onuň tabynlygynyň netijesidir we onuň hyzmaty arkaly san-sajaksyz adamlar pata aldy.
Çarlz Kauman «ýumşak we mähirli Sesi» eşitdi, Hudaý gürläp: «Öz ýurduňdan, garyndaşlaryňdan we ataň öýünden, Saňa görkezjek ýurduma git» diýdi. Netijesi — Gündogar Missiýa Jemgyýeti, Gündogaryň ähli ýerinde ýüzlerçe Missiýa stansiýalary bilen! Indi onuň işleri bütin dünýäni öz içine alýar.
