Nirede

geçireceksiň

EBEDILIGI?

Nähili agyr sorag! Belki, sen sagdyn we güýçli, we uzak ýaşajakdygyňy pikir edýärsiň. Eger ýalňyşýan bolsaň näme? Eger ölüm seniň pikir edýäniňden has ýakyn bolsa näme?

Bir baý adam bir gezek öz-özüne aýtdy: “‘Janym, seniň köp ýyllar üçin köp zatlaryň bar; dynç al; iý, iç, we şatlan.’ Emma Hudaý oňa aýtdy: ‘Eý akmak! Bu gije seniň janyň senden talap ediler’” (Luka 12:19–20).

Şol baý adam ýene birnäçe sagat ýaşajakdygyny eşidip haýran galan bolmaly. Sen öz wagtyňyň haçan geljekdigini bilmeýärsiň.

Häzir taýýarlanyň

Mesih seniň gapyňy kakýar, Oňa açmagyňa garaşýar. “Ine, indi halasgärlik güni” (2 Korintoslylar 6:2). “Ertirki gün hakda öwünme; çünki bir günüň näme getirjekdigini bilmeýärsiň” (Süleýman pygamberiň nakyllary 27:1).

Hudaýyň halasgärlik teklibini häzir, nähili bolsaň şonuň ýaly kabul et.

Seniň durmuşyň gözegçilikde

Hawa, Hudaý seniň durmuşyň her bir jikme-jikligini ýakyndan synlaýar we Ol

“garaňkylygyň gizlin zatlaryny ýagtylyga çykarar we ýürekleriň niýetlerini açar” (1 Korintoslylar 4:5).

Her bir gizlin pikir we gizlin hereket Hudaýyň Özü tarapyndan ýagtylyga çykaryljak nähili elhenç gün. Sen her bir pikiriňde we hereketiňde Ony şöhratlandyrmadygyňy bilýärsiň. Sen Oňa bolmaly ýaly minnetdar bolmadyň. Sen Hudaýy göz öňüne tutman, öz meýilnamalaryňa görä, özüň üçin ýaşadyň. Şol höküm gününde Hudaý bilen Halasgärsiz nähili duşuşyp bilersiň?

Höküm güni gelýär

“Soňra men uly ak tagty we Onuň üstünde oturanı gördüm… Men ölüleri, kiçileri we ululary, Hudaýyň öňünde duranlary gördüm, we kitaplar açyldy” (Ylham 20:11–12).

Sen özüň hakda näme pikir edýäniňe görä, ýa-da başgalaryň seniň hakda näme pikir edýänine görä höküm edilmersiň. Sen Hudaýyň Özüniň şol kitaplarda ýazanlaryna görä höküm edilersiň.

“We ölüler öz işlerine görä, kitaplarda ýazylan zatlara görä höküm edildi”(Ylham 20:12).

Hudaý seniň ýüregiň her bir niýetini görýär. Ol her bir gizlin pikiri, her bir ýaşyryn hereketi bilýär.

“We janyň kitabyna ýazylmadyk her kim ot kölüne taşlandy” (Ylham 20:15).

Hiç kim hökümetden gaçyp bilmez, diňe janyň kitabynda atlary tapylanlar muňa degişlidir.

Emma garaş!

Isa Mesihiň haça çüýlenende seniň üçin näme edendigini bir pursat oýlan. “Ol Öz bedeni bilen biziň günälerimizi agaçda göterdi… Çünki Mesih hem günäler üçin bir gezek ejir çekdi, dogry adam adalatsyzlar üçin, bizi Hudaýa getirmek üçin” (1 Petrus 2:24; 3:18). “REB ählimiziň günäsini Onuň üstüne ýükledi” (Işaýa 53:6). “Şeýlelik bilen Mesih köpleriň günälerini götermek üçin bir gezek gurban edildi” (Ýewreýler 9:28). “Isa Mesihiň, Onuň Oglunyň gany bizi ähli günälerden arassalaýar” (1 Ýahýa 1:7).

Söýgi

“Söýgi munda, biz Hudaýy söýmedik, eýsem Ol bizi söýdi we Ogluny biziň günälerimiz üçin ýaraşdyryjy gurban hökmünde iberdi” (1 Ýahýa 4:10).

Şöhrat Rebbisi Isa Mesihiň, geljekki hökümetden azat bolmagymyz we Onuň bilen ebedi jennetde bolmagymyz üçin haçda ejir çekmegi näçe gymmat düşendigini oýlan! “Hiç kimde mundan uly söýgi ýok, öz janyny dostlary üçin bermekden başga” (Ýahýa 15:13). “Biz söýgini şundan bilýäris, çünki Ol Öz janyny biziň üçin berdi” (1 Ýahýa 3:16).

Nähili söýgi!

Eger sen günäleriňi we pitnäňi Oňa boýun bolsaň, Ol seni kabul etmäge we bagyşlamaga taýýar we islegli. Nähili bolsaň şonuň ýaly Oňa gel. Onuň seni çagyrýandygyny eşit: “Maňa geliň, ähli zähmet çekenler we agyr ýükli bolanlar, men size dynçlyk bererin” (Matta 11:28). “Maňa gelenleri,” diýdi Isa, “men hiç haçan kowmaryn” (Ýahýa 6:37).

Häzir geliň – ertir gijä galan bolup biler!