Hormatly okyjy!
Isa oňa diýdi: ...Sen Meni yzarla (Ýahýa 21:22)
Göräýmäge, Reb Isa Mesih ýaş adamlary Öz yzyna düşmäge çagyrypdyr. Olary çagyran wagty olar deňeşdirme taýdan ýaş ekenler; elbetde, Ol näme edýändigini bilýärdi. Öňde bir ömürlik iş bardy. Täze ýaş akyl-huşlaryň siňdirip biljek sapaklary bardy. Ýaş bedenleriň çydap biljek kynçylyklary bardy. Biz dünýäde Mesih bilen näderejede baglanyşykly? Biz Mesihi biabraý edýän zatlardan gaça durmaga ünsli bolýarysmy? Biz şeýle dünýäde Hudaý üçin batyrgaý bolmaly. Biz her bir duşmany ýeňip bilmeli – adamyň akyldarlygy we intellekti bilen däl-de, Hudaýyň Sözüni ulanýan Hudaýyň Ruhunyň güýji bilen (biz bu tomusda ony has köp wagt sarp etmeli). Munuň üçin garaşlylyk duýgusy bolmaly, şonuň üçinem doga-dilegler.
Reb Isany yzarlamak we Onuň şägirtleri hökmünde tanalmak uly hormatdyr. Köplenç, Oňa ýaşlar gerekdi; häzir hem şeýle. Tomus aýlarynda bu sanyň ajaýyp makalalaryndan lezzet alarsyňyz diýip umyt edýärin. Reb olary sizi iň mukaddes imanyňyzda berkitmek we sizi pugtalandyrmak üçin ulanar diýip doga edýäris.
Höweslendiriji e-poçta hatlaryňyz we bellikleriňiz üçin sag boluň. Biz hemmäňizden habar almagy gowy görýäris.
