20 sentýabr 2024 anna

Çünki meni tapan ýaşaýşy tapar we Rebbiň razylygyny gazanar.

Süleýmanyň pähimleri 8:35

Reb şeýle diýýär: «Paýhasly paýhasyna, güýçli güýjüne magtanmasyn, baý baýlygyna öwünmesin. Öwünýän diňe Maňa düşünýänligi we tanaýanlygy bilen öwünsin, ýer ýüzünde sadyk söýgi, adalat we dogruçyllyk bilen hereket edýän Men – Rebdirin. Çünki Men bulardan lezzet alýaryn. Muny Reb aýdýandyr.

Ýermeýa 9:23-24

Danalygyň başlangyjy Rebden gorkmakdyr. Mukaddesligi tanamak bolsa pähim-paýhasdyr.

Süleýmanyň pähimleri 9:10

Emma öň bähbitli saýan zatlarymy indi Mesihiň hatyrasyna biderek saýýaryn. 8-9 Hawa, men Rebbim Isa Mesihi tanamagyň ajaýyp belentliginiň hatyrasyna ähli zady biderek saýýaryn. Men Onuň hatyrasyna ähli zatdan geçip, bularyň baryny çöp-çör saýýaryn. Men Mesihi gazanasym we Onuň bilen mäkäm birigesim gelýär. Men Mukaddes Kanuna daýanýan öz dogrulygyma däl, eýsem Mesihe bolan imana daýanýan, iman arkaly Hudaýdan bolan dogrulyga eýe bolasym gelýär.

Filipililer 3:7-8

Çünki akyldarlygyň hem bilimiň ähli hazynasy Mesihde gizlenendir.

Kolosiýalylar 2:3

Öwüt hem sagdyn çözgüt mendedir. Paýhas mendirin, güýç-kuwwat hem mendedir.

Süleýmanyň pähimleri 8:14

Çünki siz Isa Mesih bilen diňe Hudaý arkaly birigensiňiz. Isa Mesih biziň üçin Hudaýyň danalygydyr. Biz Ol arkaly aklanyp päklendik. Isa Mesih bizi Özüne mukaddes halk edinip, günälerimiziň jezasyndan gutardy.

1 Korintoslylar 1:30

Dogrynyň miwesi ýaşaýyş daragtydyr, akyldar adam ynsanlary gazanýar.

Süleýmanyň pähimleri 11:30