Täze ýyl üçin muny göz öňüne tutuň
Täze ýyl başlananda, üç sany örän möhüm zady göz öňüne tutmagy teklip edýärin. Filipililer 3:10-14-de Pawlus Resul wagty üç sany zamanada – geçmiş, geljek we häzirki zaman – beýan edýär.
Geçmiş barada Pawlus “yzynda galan zatlary unutmalydyrys” diýýär. Geljek barada ol “öňümizdäki zatlara ýetmek üçin uzanmalydyrys” diýýär. Häzirki zaman barada bolsa ol bize “nyşana tarap ymtylmagy” aýdýar.
Geçmişiň üstünde pikirlenmek möhüm, ýöne geçmişde ýaşamak däl. Geljege taýýarlanmak hem şonça möhüm, ýöne ertirki güni bu gün ýaşamak däl. Her gün Hudaýyň bize beren sowgadydyr, we ol biziň iň soňky günümiz bolup biler. Şonuň üçin biz durmuşy bir günde ýaşamagy öwrenmelidiris.
Bu Rebbiň ýasan günüdür, biz şonda şatlanarys we begeneris. (Zebur 118:24)
Hudaý size her bir täze günde, Ol size rehimdarlyk bilen berýän günde şatlanmaga kömek etsin.
Geçmiş bilen bize kömek etjek gowy söz “minnetdarlykdyr.” Geljek bilen bize kömek etjek gowy söz “ynançdyr.” Häzirki zaman bilen bize kömek etjek gowy söz bolsa “wepadarlykdyr.”
Biri gowy aýdypdyr: “uzynlyk boýunça durmuş kyn, ýöne inçelik boýunça durmuş aňsat!”
— Jek Palmer
