Aşakdaky tekst Hytaýda, Hindistanda we Afrikada Rebbe gulluk eden iňlis missioneri Çarlz Studd (1860 - 1931) tarapyndan ýazyldy. Bu pikirlerden belli bir seresaplyk we birneme degişme bilen lezzet almak gerek. Muňa garamazdan, Hudaý olary ýüregimize täsir etmek üçin ulanyp biler:
Emma başga aýak yzlary bar — aýylganç yzlar: olar diňe bir adama degişli bolup biler — hristian paradokslarynyň iň ulusy—kiçijik ägirt Pawlus — onuň kellesi bedeni ýaly uly, ýüregi bolsa ikisindenem uludy.
Bir wagt ol her bir hristiany hilegär we akmak adamlaryň birleşmesi hasaplaýardy we şeýle garaýardy. Soňra ol özüni şeýle hasaplady. Ol «akmak» diýlip atlandyryldy, sebäbi onuň hereketleri ynsan aňynyň talaplaryndan has daşdady, we Isa we adamlar üçin jogapkärçiliksiz otly yhlasy sebäpli «däli» diýlip atlandyryldy.
Birinji derejeli alym, ýöne bilimi dogry ulanmagy bilýän adam; sebäbi ol ony bir gyra goýup, adamlaryň akyldarlygyny akmaklyk diýip yglan etdi we Isa Mesihi we Onuň haça çüýlenendigini bilmekden başga hiç zady bilmezlige karar berdi. Netije — ol dünýäni başaşak öwürdi.
Onuň ömri Hudaý üçin hemişelik töwekgelçilikdi. Ol her gün Mesih üçin ölüm bilen ýüzbe-ýüz boldy. Gaýta-gaýta ganhorlyk edip biljek märekäniň öňünde gorkusyz durdy. Ol patyşalaryň we häkimleriň öňünde durdy we «bir saçyny hem gymyldatmady». Ol dowzahyň wise-prezidenti Neronuň öňünde hem gorkmady. Onuň ejirleri aýylgançdy; olary okaň.
Ol Halypasynyň yzyna düşdi we şeýlelik bilen — Hudaý hemişe Öz merhemetlerinde adalatlydyr — Isanyň alan şol ajaýyp öwgüsini aldy. «Hemmeler ony terk etdiler.» Şeýlelik bilen, şol döwürlerde hem şokolad hristianlary bardy.
Pawlusy terk eden her kim şokoladdan ýasalan bolmaly. Şübhesiz, «Şokoladlar» özlerini şu günki ýaly aklapdyrlar. «Beýle fanatik, otly akmaklyga kim çydap biler? Beýle ylalaşyksyz häsiýete? Hiç kim onuň bilen ýa-da ol olar bilen işläp bilmez!» (Nähili ýalan! Isa işledi, we olar gowy düşünişdiler.)
Netijelerine garamazdan, her bir adama hakykaty aýtmagy öz işi hasaplaýan, taktikasiz bir höwesjeň. Ol öz derejesini aňsatlyk bilen, hiç hili höweslendirme bolmazdan gazandy. Birinji derejeli, ýagny kellesiniň baltasy — haçdan soňky iň gowusy.
Şeýlelik bilen hekaýa dowam edýär. Mukaddes Ýazgylarda ýa-da taryhda nirede barsaňyz-da, Hudaýy hakykatdanam bilýän, we diňe bilýändiklerini aýtmaýan adamlaryň hemişe batyrgaýlygyň nusgalarydygyny; Isa üçin batyrgaý janypkeşlerdigini; Hudaý üçin töwekgelçilik edýänlerdigini görersiňiz.
«Akmaklar we däliler,» diýip dünýä we Şokoladlar gygyrýarlar. «Hawa, Mesih üçin,» diýip Perişdeler goşýarlar!Olar baýragy almak üçin asylly göreşdiler, Asmanyň dik ýapgytlaryna dyrmaşyp, Howp, zähmet we agyry arkaly. Eý Hudaý, bize merhemet berilsin, Olaryň yzyna düşmek üçin. C.T.S.C.T.S.
