«Olary hakykat bilen mukaddesleşdir: Seniň Sözuň hakykatdyr. Sen Meni dünýä iberşiň ýaly, Men hem olary dünýä iberdim» (Ýahýa 17:17-18) Hudaý sizi ibermezden ozal hemişe mukaddesleşdirer. Ata on iki şägirdi aýryp, Öz Ogly, Hakykat bilen olary mukaddes etdi. Olar Isa, Hakykat bilen gatnaşykda bolanlarynda (Ýahýa 14:6), şägirtler şol Hakykat bilen arassalandy we hoş habary wagyz etmek üçin iberilmäge taýýarlandy. Isa olaryň arzuwlaryna garşy çykdy (Luka 9:46-48), olaryň iman ýetmezçiligini terbiýeledi (Matta 17:19-20), Şeýtanyň täsirini ret etdi (Matta 16:23) we olaryň tekepbirligini ýazgardy (Matta 26:33-35). Isa olary taýýarlap bolandan soň, şägirtler şeýle güýç bilen iberildi welin, olaryň dünýäsi hiç haçan öňküsi ýaly bolmady.
Şeýtan siziň günäňiziň sizi Hudaý üçin peýdasyz edýändigine ynanmaga çalyşar. Bu ýalanlaryň awtory we atasyndan gelen ýalandyr. Siz günä edeniňizden soň, Aldawçy pyşyrdaýar: «Sen şowsuz! Sen indi Hudaý üçin peýdasyz.» Bu hristiana çuňňur ýeňliş we umytsyzlyk duýgusyny getirip biler. Ýöne Hudaýyň merhemeti bilen azat edilen jan bilen deňeşdirilip biljek azatlyk ýok. Hudaýyň halky Hudaýyň hakykatynyň olary Hudaýyň islegine we Hudaýyň ölçegine laýyklaşdyrmagyna rugsat berende, şonda Hudaýyň güýji ilkinji şägirtler arkaly bolşy ýaly, olaryň arkaly hem açylar.
Hakykat sizi azat etdi. Hakykat şudur:
Eger biz günälerimizi boýun alsak, Ol günälerimizi bagyşlamak we bizi ähli adalatsyzlyklardan arassalamak üçin wepaly we dogrudyr (1 Ýahýa 1:9),
we biz Hudaý üçin peýdaly bolmaga dikeldilýäris.
