Durmuş näme?
Durmuş näme?
Käbirleri munuň gowy dostlar, jübüňdäki pul, meşhurlyk, dynç alyş, mümkin boldugyça uzak wagtlap şatlanmak diýýärler. Durmuş diňe şundan ybaratmy?
Durmuşyň bir gysgaça beýany: “Bu gün bar, ertir ýok!” Meşhur bir mahabat şeýle diýýär:
“Sen durmuşda diňe bir gezek ýaşaýarsyň, şonuň üçin mümkin boldugyça ähli lezzeti al.” Bir awtoulagyň yzky aýnasyndaky ýazgy durmuşy şeýle bir ýaramaz beýan edýärdi:
“Durmuş iň gowusynda-da bir kynçylyk, soňra bolsa ölýärsiň.” Bu soraga hakykatdanam ajy jogap:
“Durmuş – bu ölüm bilen gutarýan kesel.”Durmuş gysga.
Bu durmuş näme bolsa-da, ol gysga. Bir kitap durmuşy şeýle beýan edýär:
“Ol bir az wagt görünýän, soňra bolsa ýitip gidýän bug ýalydyr” (Ýakup 4:14). Emma şol bir kitap, Injil, bu dünýäde bize durmuş bermek üçin gelen we ony has bol-elin bermek üçin gelen bir Adamy tanyşdyrýar (Ýahýa 10:10). Bu Adam Isa Mesihdir.
Bu din däl.
Bu hakyky bir şahs, Hudaýyň Ogly barada, Ol saňa hakyky durmuş, ebedi durmuş bermek üçin geldi – hem öleniňden soň jennetde, hem-de häzir. Ol bu dünýäniň berip biljek ähli zatlaryndan has gowy we has dowamly söýgi, parahatçylyk we şatlyk berýär.
Gözleriňi aç
Bir minut. Daş-töweregiňe seret. Öz içiňe çuňňur seret. Şatlyk we oýunlar, baýlyk we üstünlik, jyns we neşe serişdeleri dowam etmeýär. Ne-de taşlamak, ne-de garşy çykmak. Olar içiňdäki boşlugy doldurmaýar. Olar diňe has köpini döredýär. Olar gowy durmuşa goşulmaýar. Aslynda, olar ony ýok edýär. Emma Injildäki bu wadalara seret we Isa Mesihiň näme hödürleýändigini gör –
Täze durmuş:“Size dogrusyny aýdýaryn, Meniň sözümi eşidip, Meni iberene iman edeniň ebedi ýaşaýşy bar, ol höküm edilmez, eýsem ölümden ýaşaýşa geçendir” (Ýahýa 5:24).
- Hakyky söýgi:“Hudaýyň söýgüsi bize şeýle görkezildi: Hudaý Öz ýeke-täk Ogluny dünýä iberdi, biz Onuň arkaly ýaşalyň. Söýgi şundadyr: biz Hudaýy söýmedik, eýsem Ol bizi söýdi we günälerimiz üçin töleg bolsun diýip, Öz Ogluny iberdi” (1 Ýahýa 4:9-10).
- Dowamly parahatçylyk:“Size parahatçylyk goýup gidýärin, Öz parahatçylygymy size berýärin; dünýäniň berşi ýaly däl-de, Men size berýärin. Ýüregiňiz gorkmasyn, aladalanmasyn” (Ýahýa 14:27).
- Hakyky şatlyk:“Sen maňa ýaşaýyş ýoluny görkezersiň; Seniň huzuryňda şatlyk doly, Seniň sag eliňde ebedi lezzetler bar” (Zebur 16:11).
- Hiç haçan eşitdiňizmi
Bu täze durmuş barada? Hakyky zadyň wagtlaýyn çalşyryjylary bilen kanagatlanma. Isa Mesihiň saňa berip biljek täze durmuşynda hakyky kanagatlanma tap. Ol günäleriňi boýun alanyňdan we köne durmuşyňy Oňa tabşyranyňdan, Ony Halasgär hökmünde kabul edeniňden başlaýar.
Bu täze durmuşy tapmak isleýärsiňizmi?
Injil alyň we Ýahýanyň Hoş Habaryny okap başlaň. Hakykatdanam oňa çuňňur giriň. Özüňizi Reb Isa Mesihe tabşyryň we indiki gezek “Durmuş näme?” diýen sorag bilen ýüzbe-ýüz bolanyňyzda, ähli jogaplaryň iň gowusyny ýaşarsyňyz.
