Awtor: J.T. Mawson
Şonuň üçin, biz häzir bolsak-da, ýok bolsak-da, Oňa ýakymly bolmak üçin zähmet çekýäris (2 Korinfliler 5:9)
Bir adama ýakymly bolmak üçin, ony tanamaly. Rebiňiz bilen hem şeýle. Siz Onuň bilen köp wagt geçirmeseňiz, Ony ýakyndan we gowy tanap bilmersiňiz. Siz Özüňize däl-de, Oňa ýaşamaly. Eger Ol siziň üçin öldi, şonda siz ýaşap bilersiňiz, onda siziň ýaşaýan durmuşyňyz Oňa we Onuň üçin bolmaly.
Men häzir siziň hyzmatyňyz barada köp gürlemeýärin, ýöne Ol siziň hyzmatyňyzy gadyrlaýar. Bir ýaş dogan turup, doly ýürekden öz tapan eziz Halasgäri barada gürläninde, we bir ýaş uýa birnäçe çagany ýygnap, olara Ol barada gürläninde Rebi begendirýär. Ýöne bu Onuň gözünde doly gymmatly bolmak üçin Onuň bilen tanyşlykdan gelip çykmaly.
Ol öz resullaryny saýlanda, ilki bilen olary wagyz etmäge ibermek üçin däl-de, eýsem Onuň bilen bolmak üçindi; wagyz ondan soň geldi. Biz Onuň bilen bolmagy ähli zatdan ileri tutanymyzda, Onuň söýgüsi bize şarapdan has gowy bolanda, Oňa ýakymly bolýarys. Ýahýa başyny Onuň döşüne goýanda Rebe ýakymlydy. Ol muny edende garry, ak saçly dogan däldi. Ol şägirtleriň iň ýaşydy, we biziň bilşimizçe, şol wagt 20 ýaşdan köp däldi. Ol kynçylyk döwründe ähli älemdäki iň mähirli ýüregiň urýan döşünde teselli tapdy, we uly synag gelende we ähli uly doganlar gaçanda, bu 20 ýaşly ýigit birnäçe aýal bilen Isanyň haçynyň ýanynda durdy. We Onuň Rebi Oňa Öz ejesini, iň gymmatly mirasyny ynanyp biljekdi.
Başyňy Onuň döşüne goý, we şeýle edeniňde, sen Oňa ýaşarsyň; sen Onuň dosty bolarsyň we Ol saňa ynanar, we synag gelende, sen şaýatlyk edersiň we seniň hyzmatyň Oňa ýakymly bolar.
