Wagtly-wagtyna ählimize ruhlandyrma gerek bolýar. Meniň Ispan Injilimde “Ten animo” (“Şatlan” ýa-da “Ýüreklen”) diýen aňlatma Isa tarapyndan dört gezek ulanyldy, Ol biziň batyrlygymyzy we şatlygymyzy iýýän dört faktora ýüzlenende.
Günä
Matta 9:2-de Isa ejiz ysmaz adama seredip: “Ýüreklen, oglum; günäleriň bagyşlandy” diýdi. Elbetde, ysmaz adam ýöremek isledi, ýöne hakyky azatlyk we şatlyk Hudaýyň bagyşlamasyny kabul etmekden gelýär.
Kesel
Matta 9:22-de 12 ýyl kesel bolup, lapykeçlikde ýaşan bir aýal bardy. Ol Isanyň ýeke-täk umydydygyny bilýärdi. Onuň Isanyň eline degmek baradaky gizlin meýilnamasy açyk bolanda, ýüregi gysan bolmaly. “Ýüreklen, gyzym,” diýdi Isa, “imanyň seni sagaltdy.” Şeýlelik bilen ol has köp iman ädimlerini atmaga ruhlandyryldy.
Belli dällik
Matta 14:27-de ýadaw şägirtler gijeki tupanly deňizde, Isasyz gaýykdady. Soňra olar hiç haçan görmedik bir zady – arwahy gördüler! Olary gorkuzdy. Isa olaryň ýanyna gelip: “Batyr boluň! Bu Men. Gorkmaň” diýdi. Biziň gorkularymyzy köşeşdirýän we ýüreklerimizi şatlandyrýan zat Mesihiň barlygydyr.
Ret etmek
Resullaryň Işleri 23:11-de Pawlus elinden gelenini etdi, ýöne işler ters gitdi. Ol indi agyrýardy, ýeke we türmededi. Onuň wagyz işlerine garşy çykylýardy, taglymatyna garşy çykylýardy, niýetleri sorag astyna alynýardy. Adatça gijelerine biziň problemalarymyz has uly görünýär, we şol gynançly gijeleriň birinde Reb Pawlusyň ýanynda durup: “Batyr bol!” diýdi. Entäk edilmeli işler bar.
Belki siz kyn döwürleri başdan geçirýänsiňiz. Rebbiniň sözleri siziň üçin hem: “Ten animo! Men eden ähli zadyňy bilýärin, we seni bagyşladym. Men seniň ýanyňda durýaryn. Meniň entäk seniň üçin etmeli işlerim bar.” Iman bilen ýene bir ädim öňe gitmekden gorkmaň.
