Gökdäki öýüň umydy Mesihiň her bir hakyky yzarlaýjysyna garaşýar. Ol haçyň ýanyna gitmezden ozal, Reb Isa Öz yzarlaýjylaryna olara ýer taýýarlamak üçin gidýändigini wada berdi. Soňra Ol haça gitdi, we Onuň şol haçdaky gutarnykly işi olary şol ýer üçin taýýarlady. Haça çüýlenenden we direlenden soň, Reb Isa göge galdy, we indi Onuň ol ýerdäki barlygy Öz gutarnykly işine iman edýän her bir adam üçin gögi taýýarlady. Bu gögüň umydydyr!
Siz we men gögüň umydyndan lezzet alyp bileris, çünki gök hakyky bir ýerdir! Ol biziň Hudaýymyzyň we Atamyzyň ýaşaýan ýeridir (Zeb. 33:13; Mat. 6:9). Ol biziň mübärek Halasgärimiziň ýaşaýan ýeridir (Ýew. 1:3; 8:1). Ol Rebbiniň huzuryna geçen her bir iman edeniň öýüdir (2 Kor. 5:8). Ol mukaddeslik ýeridir (Ylh. 4:8), yşyk ýeridir (Ylh. 21:23), sežde ýeridir (Ylh. 5:9–14), we kämil parahatçylyk ýeridir (Ylh. 21:4).
Biz häzir gögüň umydyndan lezzet alyp bileris, çünki biziň mübärek Rebimiz ony wada berdi, ony üpjün etdi! Ol häzir siz we men üçin, we ähli ebedilik üçin esasy nokat hökmünde ol ýerde! Biz durmuş diýilýän bu ýaryşy yzarlaýarkak, hristianlar gözlerini Reb Isa dikmeli (Ýew. 12:1–3); we biz gökde bolanymyzda, häzirki maksadymyz bolan şol bir Adam şonda seredýän Adamymyz bolar (Ylh. 5:9–14). Gögi biziň umydymyz edýän näme? Mesih ol ýerde, we Onuň bilen bolmak has gowudyr! Siz bu güni geçiren wagtyňyz, gökde öýüňiziň bardygyna şatlan, çünki siziň gökde Halasgäriniz bar!
