SORAG: Direliş Hristianlar üçin näme üçin beýle möhüm?
JOGAP: Isa Mesihiň gabyrdan direlmegi Hristiançylygy dünýädäki beýleki ähli dini ulgamlardan düýpgöter tapawutlandyrýar. Hristiançylyk ýaly, Yslam, Konfusiançylyk, Buddizm we beýleki köp dinler öz yzyna eýerijileriniň durmuşyny dolandyrýan güýçli ahlak kodekslerine esaslanýar. Emma Hristiançylykdan tapawutlylykda, öz ýaşaýyş kodekslerini öňe süren ýolbaşçylar olaryň gabyrdan soňky ähmiýetini subut edip bilmediler.
Beýleki dinleriň yzyna eýerijileri öz ynamlaryny hiç hili anyklygy bolmadyk düzgünler ulgamyna goýýarlar. Hristianlar bolsa, haça çykyp günäni ýeňen we gabyrdan direlip ölümi ýeňen Isa Mesihe ynanýarlar. Eger biz direlişi Hristiançylykdan aýyrsak, onda bize hiç hili ýere alyp barmaýan ahlak kodeksinden başga zat galmaz. Pawlus Korinflilere aýdanlarynda muny göz öňünde tutdy: «Eger Mesih direlmän bolsa, onda siziň imanyňyz biderekdir; siz henizem günäleriňizdedirsiniz!» Ol ýene-de goşdy: «Eger Mesih direlmän bolsa, onda biziň wagyzlarymyz boşdur we siziň imanyňyz hem boşdur» (1 Korinfliler 15:17,14 NKJV).
Hristianlaryň imanlarynyň düýp esasyny diňe bir ahlak kodeksi däl-de, Isa Mesihiň direlişi düzýär. Ol biziň umydymyzdyr, diňe bir Pasga ýekşenbesinde, köp adamlar Onuň ölümi ýeňmegini belleýän wagtynda däl, eýsem her gün. Onuň şöhratly direlişi, biziň Halasgärimiz bolan bir Ýolbaşçynyň yzyna eýerýändigimize her günki kepilligimizdir. Ol bize ýer ýüzündäki durmuşymyzy dolandyrmak üçin bir kodeks bermek bilen çäklenmän, eýsem, eger biz Onuň yzyna eýersek, hiç haçan heläk bolmajagymyzy we hiç kimiň bizi Ondan alyp bilmejegini wada berýär (Ýahýa 10:28). Beýleki dinlerde ahlak kodeksleri bolup biler, ýöne hiç birinde haça çykyp ölen we soňra gabyrdan direlen Halasgär ýokdur. Onuň gabrynyň boş bolmagy, biziň imanymyzyň boş däldiginiň subutnamasydyr.
Jogap berildi
