18 mart 2024 duşenbe

Aýdymçylar toparynyň ýolbaşçysyna. Sekiz kirişli saz guralynda. Dawudyň mezmury. Ýa Reb, gaharyňda meni ýazgarma, gazabyňda meni terbiýeleme. Ýa Reb, maňa merhemet eýle, çünki mende ysgyn-mydar galmady; ýa Reb, maňa ber Sen şypaňy. Çünki galpyldaýar meniň süňklerim, güýçli galpyldaýar janym hem meniň. Ýa Reb, haçana çenli bu dowam eder? Ýa Reb, maňa öwrülip, halas et, meniň janymy, sadyk söýgiňiň hatyrasyna, azat et meni. Çünki Seni gabyrda ýatlamak ýokdur; Saňa ölüler dünýäsinde kim öwgi aýdar? Iňňildimden halys ýadadym, her agşam aglap, düşegimi suw-sil edýärin, ýorganymy gözýaşlaryma men gark edýärin. Gözlerimiň nury öçdi gussa zerarly, küteldi ähli duşmanlarym sebäpli. Menden daşlaşyň, eý, betkärleriň bary, çünki Reb eşitdi agy sesimi. Reb eşitdi meniň ýalbaryşymy, kabul edýär Reb meniň dogamy.

Zebur 6:1–10

Ýa Reb, gaharyňda meni ýazgarma, gazabyňda meni terbiýeleme. Ýa Reb, maňa merhemet eýle, çünki mende ysgyn-mydar galmady; ýa Reb, maňa ber Sen şypaňy. Çünki galpyldaýar meniň süňklerim, güýçli galpyldaýar janym hem meniň. Ýa Reb, haçana çenli bu dowam eder?

Zebur 6:2–4

Men gorka düşenimde Saňa bil baglaýandyryn. Hudaýy Onuň wadasy üçin şöhratlandyrýaryn, Oňa bil baglap, gorkmaýaryn men; ynsan maňa näme edip bilsin? Olar uzakly gün ýoýýar meniň sözlermi, maňa zyýan etmäge gönükdirilen bar niýetleri.

Zebur 55:4–6

Sabyr-takatly bolup, Hudaýyň yradasyny berjaý ediň, şonda Hudaýyň wadasyna gowşarsyňyz.

Ýewreýler 10:36

Mundan soň resullar Ony görmeseler-de, henizem gözlerini göge dikip durdular. Birdenkä ak eşikli iki adam olaryň alnynda peýda bolup: «Eý, jelileliler! Näme üçin göge seredip dursuňyz? Isanyň göge göterilenini gözüňiz bilen gördüňiz ahyry. Ol göge nähili göterilen bolsa, hut şonuň ýaly hem gaýdyp geler» diýdiler.

Resul 1:10–11

Biz bolsa gökleriň raýatlary bolup, Halasgär Rebbimiz Isa Mesihiň şol ýerden gelerine sabyrsyzlyk bilen garaşýandyrys.

Filipililer 3:20

Biz bu ýörelgä eýerip, ajaýyp umydymyz bolan beýik Hudaýymyz we Halasgärimiz Isa Mesihiň şan-şöhrat içinde göklerden inmegine garaşýarys.

Titus 2:13