12 sentýabr 2024 penşenbe

Reb şeýle diýdi: «Eger-de siz Hudaýyňyz Rebbiň sözüne dykgat bilen gulak goýup, Onuň nazarynda dogry hasap edýän işlerini etseňiz, Onuň buýruklaryna boýun bolup, buýran ähli parzlaryny ýerine ýetirseňiz, onda Men müsürlileriň başyndan inderen apatlarymyň hiç birini siziň başyňyza salmaryn. Çünki Men size şypa berýän Rebdirin».

Müsürden çykyş 15:26

Aýdymçylar toparynyň ýolbaşçysyna. Dawudyň mezmury. Ýa Reb, ýamanlardan meni halas et, zalym adamlardan meni penala. Olar betniýetleri ýüregine düwýär, olar dyngysyz uruş turuzýar.

Zebur 139:1-3

Sen gözleriň bilen ýöne gararsyň, erbetleriň jezalaryny görersiň.

Zebur 90:8

Hudaýdan gizlin ýaradylan hiç zat ýokdur, Onuň nazarynda ähli zat açyk we mese-mälimdir. Biz Oňa hasabat bermelidiris.

Ýewreýler 4:13

Reb şeýle diýýär: «Geliň, indi düşünişeliň, günäleriňiz gyrmyzy dek bolsa-da, olar gar kimin ak bolarlar, gyrmyzy dek gyzyl bolsalar-da, ak ýüň dek bolarlar.

Işaýa 1:18

oňa rehimi inip: „Gabyrdan halas et, men onuň üçin töleg tapdym“ diýse,

Eýýup 33:24

Emma ol biziň ýazyklarymyz üçin ýaralandy, biziň etmişlerimiz üçin ezýet çekdi, rahatlygymyz üçin jeza onuň başyna geldi, onuň ýaralary arkaly biz şypa tapdyk.

Işaýa 53:5

Hökmürowan Rebbiň Ruhy üstümdedir. Garyplara hoş habary bildirmegim üçin, Ol meni seçip-saýlady; göwni synyklara şypa bermäge, tussaglara azatlygy yglan etmäge, zyndandakylary boşatmaga iberdi meni.

Işaýa 61:1

Isa oňa: «Eý, naçar, imanyň saňa şypa berdi. Sag-aman git, derdiňden saplan» diýdi.

Mark 5:34