Müsürde Ysraýyl ogullary zalym hökümdaryň elinde gulçulykda ýaşaýardylar, ol – Şeýtan biziň bilen bolşy ýaly – halkyň näçe ejir çekýändigine üns bermeýärdi, diňe öz isleglerini alýardy. Musa Reb tarapyndan gulçulyk boýunturgyjyny döwmek we halky gulçulykdan halas etmek üçin ýetişdirildi. Ýöne Ysraýyllaryň nähili çalt şikaýat edip, köne durmuşlaryny küýseýändiklerini görýäris.
Müsürden çykandan gysga wagt soň, olar özlerini duşmanlarynyň yzyndan gelýän ýerinde tapdylar. Olaryň köp ýyllyk gulçulygy yzda galdy, ýöne öňde aňsat ýol ýokdy. Hudaý olary her ädimde Oňa ynanmagy talap edýän agyr ýola taýýarlaýardy (Çykyş 13:17).
Kynçylygyň ilkinji alamatynda, halk şikaýat edip: “Müsürde gabyrlar ýokdugy üçinmi, siz bizi çölde ölmäge alyp geldiňiz?” (14:11) diýdiler. Olaryň häzirki ýagdaýy olary iki möhüm zatdan: barmaly ýerlerinden we Goragçysyndan ünsüni sowýardy. Biz nähili çalt şol bir gowşaklygyň pidasy bolýarys. Synaglara duş gelenimizde, hristianlar hökmünde eýe bolan umydymyzda we Mesih'iň “Men hemişe siziň bilendirin” (Matta 28:20) diýen hakykatynda özümizi güýçlendirmegiň ýerine, köplenç köne durmuşy küýseýäris, onuň ajylygyny we boşlugyny ýatdan çykaryp.
Rebbe ynanmak bir gezeklik sapak däl, eýsem ömürlik tejribedir. Geliň, Rebbiň biziň öňümizde goýan ýolunda bize ýol görkezmegine rugsat bereliň, şikaýat etmezden, eýsem Özümizi Oňa tabşyryp. We Ol bize ýeňiş berende, Ysraýyl ýaly: “Reb meniň güýjüm we aýdymymdyr” (Çykyş 15:2) diýeliň!
