Bir mesihçi ýigit agşam öýüne gaýdyp barýarka, bir çygan oňa: "Men seniň ykbalyňy aýdaryn" diýip ýüzlendi.
Biziň dostumyz şeýle bir haýran galdy welin, bir salym jogap bermedi, we ol adam: "Men palçy; men saňa geljekde näme boljakdygyny aýdyp bilýärin" diýip düşündirdi.
"Ýöne seniň hakykaty aýdýandygyňy nähili bilmeli?" "Eý, mende kitaplar bar; men ýyldyzlara seredip aýdýaryn." "Bolýar, men saňa ilki bir sorag bermek isleýärin, seniň hakykaty aýdyp bilýändigiňi ýa-da bilmeýändigiňi barlamak üçin. Eger sen meniň ykbalymy dogry aýdyp bilýän bolsaň, öz ykbalyňy hem aýdyp bilersiň. "Ýüz ýyldan sen nirede bolarsyň?""
Çygan gaty gaharly göründi we jogap berdi: "Eý, men ony bilemok; ýöne sen maňa eliňe seretmäge rugsat ber, men seniň ykbalyňy aýdaryn." "Ýöne," diýip mesihçi jogap berdi, "men hem birneme palçy. Men hem kitaplary ulanýaryn, we eger sen maňa bir zat aýtsaň, men seniň ykbalyňy aýdaryn." "Sen maňa näme aýtmagymy isleýärsiň?" "Sen Reb Isa Mesihe, Hudaýyň Ogluna ynanýarmyň?" "Ýok, Ol Hudaýyň Ogly däldi."
"Indi," diýip biziň dostumyz sumkasyndan Täze Ähti çykaryp jogap berdi, "men seniň ykbalyňy aýdaryn. Meniň kitabym maňa aýdýar: "Ogluna iman eden ebedi ýaşaýşa eýedir; Ogluna iman etmeýän bolsa ýaşaýşy görmez; eýsem Hudaýyň gazaby onuň üstünde galar." Bu seniň ykbalyň. Indi diri, hakyky Hudaýyň gazaby hemişe seniň üstüňde galýar, we ýüz ýyldan sen dowzahda, ot we kükürt bilen ýanýan köl içinde bolarsyň, eger Hudaýyň Ogluna iman etmeseň." Köçäniň gyrasynda uzyn gürrüňdeşlik boldy we palçy: "Kitaplaryňyzdan birini alyp bilerinmi?" diýip sorady, bu haýyş şatlyk bilen kabul edildi. Netijesi näme boljakdygyny diňe Hudaý bilýär.
Seniň Ebedi Ykbalyň
Ýöne saňa, okyjy, sorag bereýin, sen hiç haçan öz ykbalyň, öz ebedi ykbalyň barada oýlandyňmy? Sen bu barada şübhede galmaly däl.
Hudaýa şükür, bizde bu meselelerde şübhe üçin ýer goýmaýan bir Kitap bar. Ýüz ýyldan sen nirede bolarsyň? Ertir sen nirede bolarsyň? Bu dabaraly sözlerden has gysga, has anyk, has gymmatly, ýöne has elhenç näme bolup biler:
Ogluna iman eden ebedi ýaşaýşa eýedir; Ogluna iman etmeýän bolsa ýaşaýşy görmez; eýsem Hudaýyň gazaby Onuň üstünde galar. (Ýahýa 3:36)
Eger sen agzyň bilen Reb Isany ykrar etseň, we ýüregiňde Hudaýyň Ony ölülerden direldendigine ynanýan bolsaň, sen HALAS bolarsyň (Rimliler 10:9)
