Rebbiň öňünde edişiňiz ýaly ediň
Şu aý näme ýazmalydygym barada Rebden gözleýärkäm, hormatly amerikan wagyzçysy Harri Ironside tarapyndan gürrüň berlen bir wakany ýatladym:
Çagakam men Dan Makaý atly şotland aýakgapçysynyň ýanynda işledim, ol dogruçyl bir mesihçi. Meniň borjum aýakgaplaryň aşagy üçin derini urmakdy. Sygyr derisiniň bir bölegi kesilip, soňra suwa çyglanýardy. Dyzymyň üstünde bir demir bölegi bardy we ýasy kelleli çekiç bilen bu aşaklary gaty we gurak bolýança urdum. Bu gutarmaýan bir iş ýalydy we men köp gezek ondan ýadadym.
Meniň işimi hasam erbetleşdiren zat, bir blok uzaklykda başga bir dükanyň bardygy we onda şadyýan, hudaýsyz bir aýakgapçynyň oturyp, töwerekdäkilere edepsiz hekaýalar gürrüň berýändigidi, bu ony hormatly ene-atalar üçin gorkuly edýärdi. Ýöne, nämedir bir sebäpden, ol ösýän ýalydy. Men onuň aşaklary hiç haçan urmandygyny, eýsem olary suwdan alyp, her bir çüýi kakanda suwuň syçrap durandygyny gördüm. Bir gün men içine girdim. Utanjyrap, men aýtdym: «Men siziň aşaklary henizem çyglyka dakýandygyňyzy görýärin. Olar urulan ýaly gowumy?» Ol maňa erbet bir ýylgyryş bilen jogap berdi: «Olar bu ýol bilen has çalt yzyna gelýär, oglum!»
Bir zat öwrenendigimi duýup, bu wakany başlygyma gürrüň berdim. Jenap Makaý işini goýup, Injilini açdy we şeýle ýazylan ýeri okady:
Näme etseňiz-de, ählisini Hudaýyň şöhraty üçin ediň (1 Korinfliler 10:31 NKJV)
«Harri,» diýdi ol, «men aýakgaplary diňe müşderilerimden alýan pulum üçin bejermeýärin. Men muny Hudaýyň şöhraty üçin edýärin. Men bejeren her bir aýakgabymy Mesihň höküm oturgyjynda uly bir üýşmekde görmäge garaşýaryn we o gün Rebbiň maňa ‘Dan, bu erbet işdi’ diýmesini islemeýärin. Men Onuň ‘Gowy iş, gowy we wepaly hyzmatkär’ diýip bilmegini isleýärin.» Ol sözüni dowam etdirip, käbir adamlaryň wagyz etmäge çagyrylyşy ýaly, özüniň hem aýakgap bejermäge çagyrylandygyny we diňe muny gowy etse, onuň güwäliginiň Hudaý üçin ähmiýetli boljakdygyny düşündirdi (Reb Ýakyn 2013, Believer’s Bookshelf Canada).
