Bagt … Nirede?
Güýçde?
Napoleon Bonapart bu dünýäniň iň güýçli harby liderlerinden biri bolupdyr. Emma soňky günlerinde ol gynanç bilen boýun aldy: “Meniň üçin jan berjek bir adam hem ýok.” Onuň general hökmünde uly şöhraty we beýikligi hiç zada öwrüldi.
Pulda?
Jeý Gould köp millioner demir ýol magnaty bolupdyr. Emma ölüm düşeginde ol öz durmuşyny şeýle jemledi: “Men ýer ýüzündäki iň betbagt şeýtan bolsa gerek.” Pul ölüp barýan adama bagt getirmez. Siz pul bilen ähli zady diýen ýaly satyn alyp bilersiňiz, bagty däl – ne bu ýerde, ne-de ebedilikde.
Lezzetde?
Meşhur iňlis şahyry Lord Baýron lezzet üçin ýaşapdyr. Emma ol öz durmuşynyň soňuny diňe günä, kesel we gam bilen doly diýip suratlandyrdy. Günäniň lezzetleri kanagatlandyrmaz. Lezzet yzarlamakda ýitirilen durmuşyň soňunda gynanç hökman geler.
Şöhratda?
Şöhratyň öz paýyndan köp lezzet alan meşhur bir syýasatçy ýazdy: “Ýaşlyk ýalňyşlykdyr, ýigitlik göreşdir, garrylyk ökünçdir.” Şöhratyň aldawçy köpügi ýarylypdyr! Öz durmuşyny “ýalňyşlyk,” “göreş” we “ökünç” diýip suratlandyrýan hiç kim bagt tapmandyr.
Imansyzlykda?
Wolter Hristiançylygy ýigrenýän açyk sözli filosof bolupdyr. Durmuşynyň soňuna golaý ol ýazdy: “Men hiç haçan dogulmadyk bolsam kaşkady.” Ol imansyzlygyň bagt getirmezligini açdy. Ol alýar we hiç zat yzyna bermeýär. Hudaýyň söýgüsiniň, Mesihiň halas ediji ganynyň we Hudaýyň kepillendiriji Sözüniň ýerine, imansyz diňe näbelli teoriýalar, umytsyz ölüm düşegi we Hudaýyň gorkunç hökümi bilen galýar.
Bagt Nirede?
Bu meşhur adamlar dünýäniň iň akyldar adamy Süleýmanyň adamyň bagt gözleginiň biderekdigi barada aýdanlaryny tassyklaýarlar:
«Ähli zat biderek we ýeli tutmakdyr» (Wagyzçy 2:17).
Onda bagt nirede tapylýar? Diňe Mesihde! Mukaddes Kitap aýdýar ki,
«umyt Hudaýy (sizi) iman etmekde ähli şatlyk we parahatlyk bilen doldurar» (Rimliler 15:13).
Siz günä etdiňiz we bagyşlanmaga mätäçsiňiz. Günäleriňiz ýuwulýança, siz hiç haçan bagtly bolmarsyňyz. Bu arassalanma diňe Mesihiň dökülen gany arkaly gelýär (1 Ýahýa 1:7).
Siz Ony Alyp Bilersiňiz!
Eger geljegiňiz garaňky we näbelli bolsa, siz hiç haçan hakyky bagtly bolmarsyňyz. Öňdäki günlere yşyk getirmegiň ýeke-täk ýoly Mesihi öz şahsy Halasgäriňiz hökmünde kabul etmekdir. Ol Öz barada aýdýar:
«Men dünýäniň yşygydyryn. Meni yzarlaýan garaňkylykda ýöremez, eýsem durmuş yşygyna eýe bolar» (Ýahýa 8:12).
Eger durmuşyň kynçylyklary sizi basyp, ruhuňyzy ezýän bolsa, siz bagtly bolup bilmersiňiz. Diňe Isa Mesih size her gün hakyky bagt berip biler.
Mukaddes Kitap aýdýar, eger siz Isany Halasgäriňiz hökmünde ynanýan bolsaňyz, siz şeýle edip bilersiňiz
«aýdyp bolmaýan we şöhrata doly şatlyk bilen şatlanmak» (1 Petrus 1:8).
Hakyky bagt nirede tapylyp bilner? Diňe Isada. Siz şu gün Oňa gelmersiňizmi?
