Britan harby-deňiz güýçlerinde ýokary serkerdelikde bolan bir admiral soraglara berýän dogry jogaplary bilen bellidir. Bir gezek onuň döşündäki lentalary belläp, olardan näme aňladýandygyny soradylar. Onuň gysga jogaby şeýle boldy,
«Tutulan mümkinçilikler.» Olar onuň harby-deňiz karýerasyndaky işjeňligini, batyrlygyny, sabyrlylygyny görkezýärdi.
Ýitirilen mümkinçilikler diýen zatlar bar. Biz ählimiz bularyň üstünde aglap bileris. Biz olaryň «tutulan mümkinçiliklerden» has köp bolmagyndan gorkýarys. Her gün we her gün töwerekde mümkinçilikler bar. Olar «tutulan» ýa-da «ýitirilen» diýlip bellenilmelimi? Köp mümkinçiligiň «ýitirilen» diýlip bellenilmeginiň bir sebäbi, biziň batyrlygymyzyň ýoklugydyr. Başga bir sebäp bolsa, gynansak-da, biziň wepalylygymyzyň ýoklugydyr.
Mümkinçilikler bar, olar durmuşymyzyň her gününde, her tarapdan bize basyş edýär: olary ulanmak üçin bize merhemet bersin. Bize ündelýär,
Wagty tygşytlaň, çünki günler erbetdir (Efesliler 5:16).
Daşardakylara garşy paýhas bilen ýöräň, wagty tygşytlaň (Koloseliler 4:5).
Fiziki güýji bolan ýaş hristianlaryň «tutulan mümkinçilikler» üçin ajaýyp şanslary bar. Käbirleri Rebbe öz ýurtlarynda, käbirleri butparaz ýurtlarda, käbirleri öz öýlerinde, öz goňşy köçelerinde gulluk edýärler. Rebimiz şeýle diýdi,
Gözleriňizi galdyryň we meýdanlara serediň; çünki olar eýýäm orak üçin akdyr (Ýahýa 4:35).
Mümkinçilikler uzakda däl. Olar biziň gözümiziň ýetýän ýerinde. Mümkinçilikleriň ulanylmagy hiç haçan häzirki ýaly möhüm bolmandy.
