Baruhyň Ýeremiýanyň aýtmagy bilen ýazan Rebbiň sözi Ýehoýakyma okalanda, diňe üç ýa-da dört sütüninden soň, ol ýazgyny kesip ýakdy, Elnatan, Delaýa we Gemarýa patyşadan ýazgyny ýakmazlygy haýyş etseler-de (Ýer. 36:25). Patyşa hatda Baruh bilen Ýeremiýany tutmak isledi, «ýöne Reb olary gizledi» (aý. 26).
Rebbimiz Isa: «Asman we ýer geçip gitse-de, ähli zat ýerine ýetirilýänçä, kanundan bir nokat ýa-da bir çyzyk hem geçmez» diýdi (Mat. 5:18). Hawa, «Rebbiň sözi ebedi galýar» (1 Pet. 1:25). Siz adamy dymdyryp bilersiňiz, ýöne Hudaýyň Sözüni dymdyryp bilmersiňiz. Ýehoýakym Hudaýyň sözüniň ygtyýaryny ret etdi we habardan dynmak isledi. Ýöne Hudaý Ýeremiýa Ýehoýakymyň ýok eden ilkinji ýazgysynyň sözlerini täzeden ýazmagy buýurdy.
Höküm hem Söz bilen kesgitlener: «Meni ret edýän we sözlerimi kabul etmeýän adamy höküm edýän zat bar – Meniň aýdan sözüm ony soňky günde höküm eder» (Ýah. 12:48). Eger Hudaýyň Sözüne bir zat goşýan ýa-da ondan bir zat aýyrýan adama höküm bar bolsa (Ylham 22:18–19), ony ýok etmäge synanyşýan adama nähili uly höküm bolar! Şeýlelik bilen, Ýehoýakymyň eden işine jogap edip, Reb onuň barada: «Onuň jesedi gündizki yssa we gijeki sowuga taşlanar» diýdi (Ýer. 36:30)!
Ýehoýakymyň Hudaýyň Sözüni ret etmeginden tapawutlylykda, goý ol bize gymmatly bolsun we biz ony saklalyň; ýagny ony barha köp bilmek we durmuşymyzda ulanmak. Bu bize bereket getirer we Hudaýy şöhratlandyrar.
