SORAG: Hristianlar näme üçin Mesihi «Isa» diýip atlandyrýarlar?
JOGAP: Aslynda, Hristianlar Ony ilkinji bolup «Isa» diýip atlandyranlar däl. Hudaý perişde Gabrieli Merýeme iberdi we oňa «Onuň adyny Isa goýarsyň» diýdi (Luka 1:31 NKJV). Gabriel Ýusuba hem «Onuň adyny Isa goýarsyň, çünki Ol Öz halkyny günälerinden halas eder» diýdi (Matta 1:21).
«Isa» ady ýewreý dilinde iki sözden gelip çykýar, «halas edýän Reb» diýmegi aňladýar. Isa halas edýän Rebbdir, çünki Mesih bu dünýä adamlaryň Halasgäri bolmak üçin geldi. Mukaddes Kitap Hudaýyň Ony dünýäniň Onuň arkaly halas bolmagy üçin iberendigini aýdýar (Ýahýa 3:16-17). Ol başga hiç kimde halas bolmagyň ýokdugyny hem aýdýar (Resullaryň Işleri 4:12).
Onuň dogluşy baradaky pygamberlik Işaýa tarapyndan hem agzaldy, ol «Gyz göwreli bolar we Ogluny dograr, we Onuň adyny Immanuel goýarlar» diýdi (Işaýa 7:14). Bu at sözme-söz «Hudaý biziň bilen» diýmegi aňladýar (Matta 1:23). Mesih bu ýere gelende, Hudaý biziň bilen geldi. Şeýlelik bilen biz Hudaýy has gowy tanadyk, çünki Hudaý «etde ýüze çykdy» (1 Timoteos 3:16).
Reb Isa Mesihiň atlandyrmalarynyň biriniň «Hudaýyň Sözüdigi» (Ýahýa 1:1) umumy mälimdir. Söz pikirleri we bilimi aňladýar; Mesih Hudaýyň pikirini we doly bilimini açyp görkezýän Şahsdyr. Mukaddes Kitap aýdýar: «Söz et boldy we biziň aramyzda ýaşady, we biz Onuň şöhratyny, Atanyň ýeke-täk Oglunyň şöhratyny, merhemet we hakykat doly şöhratyny gördük» (14-nji aýat).
Şonuň üçin, başga hiç kimden öň, Hudaý Ony «Isa» diýip atlandyrdy, çünki Ol Reb we Halasgär – ýeke-täk Halasgärdir.
Jogap berildi
