27 dekabr 2023 çarşenbe

çünki biziň bu ýerde baky şäherimiz ýokdur, biz geljekki baky şähere garaşýarys.

Ýewreýler 13:14

Tussagdakylaryň-da dertlerini deň çekişdiňiz, özüňizde has oňat hem baky baýlygyň bardygyny bilip, emlägiňiziň alynmagyny şatlyk bilen kabul etdiňiz.

Ýewreýler 10:34

Gorkma, eý, kiçijik süri! Çünki Ataňyz Şalygy size bermegi makul bildi.

Luka 12:32

Şonuň üçin hem muňa ýürekden şatlanyň. Häzirki wagtda gysga wagtlaýyn synaglara duçar bolup, gam-gussa batsaňyz-da,

1 Petrus 1:6

Ol ýerde ýamanlar ýamanlykdan el çekýärler, ýadawlar-da dynç alýarlar.

Eýýup 3:17

Emma häzirlikçe bu pany çadyrymyzda bolup, hasrat çekýäris, görgi görýäris, sebäbi bu pany çadyrymyzdan dynasymyz gelenok. Tersine, Hudaýyň taýynlan mesgenine beslenip, baky ýaşaýşa ölmänkäk gowuşmagy küýseýäris.

2 Korintoslylar 5:4

Ol Öz halkynyň gözleriniň her bir gözýaşyny süpürer. Indi ne ölüm, ne-de ýas, ne agy, ne-de agyry bolar. Çünki öňki zatlar geçip gitdi».

Aýanlyk 21:4

Meniň pikirimçe, şu wagtky görgülerimizi bize aýan boljak gelejekki şöhrat bilen deňeşdirip-de bolmaz.

Rimliler 8:18

Çünki ýeňil we wagtlaýyn muşakgatlarymyz bize juda ajaýyp, beýik we baky şöhrat gazandyrar. Şonda bu muşakgatlar edil bolmadyk ýaly bolar.

2 Korintoslylar 4:17