10 mart 2024 ýekşenbe

Ybraýym: «Ýakma gurbanlyk janlysy bilen Hudaýyň özi üpjün eder, oglum» diýip jogap berdi. Olar ýollaryny dowam etdirdiler.

Gelip çykyş 22:8

Rebbiň eli gysga däldir halas etmez ýaly, eşitmez ýaly gulagy-da agyr däldir.

Işaýa 59:1

26-Çünki tutuş ysraýyl halky hut şeýle halas ediler. Mukaddes Ýazgylarda hem şeýle ýazylgydyr: «Men Ýakup nesliniň günälerini bagyşlanymda, olar bilen edýän ähtim, ine, şudur: Siondan Halasgär geler, Ol Ýakup neslinden hudaýsyzlygy aýrar».

Rimliler 11:26

Rebbimiz beýikdir, kuwwaty köpdür, paýhasynyň hiç çägi ýokdur.

Zebur 146:5

Reb eşidýär dogrular perýat edende, Ol olary ähli muşakgatlaryndan halas eýleýär. Reb kalby synyklara ýakyndyr; ruhdan düşenleri halas edýändir.

Zebur 33:18–19

Şöhratly Hudaýym Öz baýlygy bilen siziň, ýagny Isa Mesihe degişli bolanlaryň ähli mätäçlikleriniň öwezini dolar.

Filipililer 4:19

Puluň yşkyna düşmäň. Eliňizdäki baryna kanagat ediň. Sebäbi Hudaý: «Men sizi hiç wagt ýeke taşlamaryn, terk etmerin» diýdi. Şoňa görä-de, biz ynam bilen şeýle diýýäris: «Reb – tarapdarym, men gorkmaýaryn, ynsan maňa näme edip bilsin?».

Ýewreýler 13:5–6

Rebbiň sesi ýyldyrymlar çakdyrýar.

Zebur 28:7