2 maý 2025 anna

Oglum, ýüregiňi maňa bagla, gözleriňi meniň ýollaryma dik.

Süleýmanyň pähimleri 23:26

Pikiriňizi dünýewi zatlara däl-de, gökdäki zatlara gönükdiriň.

Kolosiýalylar 3:2

«Eý, ynsan ogly! Bu adamlaryň ýüregi butlara baglandy. Günä edip, büdreme daşyny öz öňlerinde goýdular. Heý, şundan soň hem Men bulara Özüme maslahat saldyrarynmy?

Ezekiýel 14:3

Şonuň üçin hem dünýewi tebigatyňyza mahsus bolan azgynlygy, ahlaksyzlygy, haram keýpi, pis höwesleri we butparazlyk bilen deň hasaplanýan açgözlügi öldüriň.

Kolosiýalylar 3:5

Baýamakçy bolýanlar bolsa synaga düşüp, akmak we erbet höwesleriň toruna çolaşýandyrlar. Bu höwesler olary weýrançylyga we heläkçilige uçradýandyr, sebäbi pul höwesi ähli bela-beteriň körügidir. Käbir adamlar onuň yşkyna düşüp, imandan azaşdylar, özlerini köp görgülere sezewar etdiler. Emma sen, eý, Hudaýyň adamy, bu zatlardan gaç. Dogrulyk, takwalyk, iman, söýgi, sabyr-takatlyk we ýumşaklyk ýörelgelerine eýer.

1 Timoteos 6:9-11

Janymyň kastyna çykanlar bolsa, ýeriň teýine inip giderler.

Zebur 62:10

Meniň miwäm tylladan, sap altyndan gowudyr, meniň peýdam saýlama kümüşden oňatdyr.

Süleýmanyň pähimleri 8:19

Hazynaňyz nirede bolsa, ýüregiňiz hem şol ýerde bolar.

Matta 6:21

Emma Reb Şamuwele: «Onuň daş keşbine ýa-da uzyn boýuna garama, çünki Men ony ret etdim. Sebäbi Rebbiň garaýşy adamyňky ýaly däldir. Adam daş keşbe seredýär, emma Reb kalba seredýär» diýdi.

1 Şamuwel 16:7