«Ebedi ýaşaýyş şudur: Seni, ýeke-täk hakyky Hudaýy we Seniň ibereniň Isa Mesihi tanamaklarydyr.» (Ýahýa 17:3)
Hudaýy tejribe arkaly tanamak, Hudaý barada teologiýa okuw kitabyny okamakdan düýpgöter tapawutlanýar. Mukaddes Kitaba görä, Siz Hudaýy başdan geçirmeseňiz, Ony tanaýaryn diýip bilmersiňiz (Filipililer 3:8, 10). Mukaddes Kitap bilimi hemişe tejribäni öz içine alýar. Mukaddes Kitapda okaýan hakykatlaryňyzyň öz tejribäňiziň hakykatyndan has baý bolandygy sebäpli ruhdan düşüp bilersiňiz.
Eger Siz Hudaýyň güýjüniň öz durmuşyňyzda we Siziň üstiňiz bilen işleýändigini başdan geçirmedik bolsaňyz, Hudaýyň güýji barada ikinji derejeli bilim bilen oňmaň, Onuň başgalarda eden işlerine begeniň. Isanyň dogasy, Siziň Hudaýy we Onuň durmuşyňyzdaky barlygyny tanamagyňyz we başdan geçirmegiňiz üçindi. Mukaddes Ýazgylarda beýan edilen Hudaýyň güýjüni, diňe ony başdan geçirmedigiňiz üçin, peseltmäň.
Tejribäňizi Mukaddes Ýazgylaryň ölçegine laýyk getiriň; Mukaddes Ýazgylary hiç haçan tejribäňiziň derejesine çenli peseltmäň. Hudaýyň söýgüsi barada diňe akyl bilimi bilen oňmaň. Isa Siziň Onuň söýgüsiniň çuňlugyny, giňligini we beýikligini başdan geçirmegiňizi we durmuşyňyzyň gündelik tejribelerinde Hudaýyň rahatlandyryjy we gutarnyksyz söýgüsinden lezzet almagyňyzy diledi.
Eger Siz başdan geçirmeýän Mukaddes Kitap hakykatlarynyň bardygyny duýsaňyz, şol hakykaty öňüňizde saklaň we Hudaýdan ony gündelik tejribäňize getirmegini soraň. Hudaýdan Onuň wadasyny almak üçin etmeli üýtgetmeleriňiziň bardygyny soraň. Hudaýyň wadalarından ýüz öwürmäň; olary doly başdan geçirýänçäňiz olara ygrarly boluň.
