Matta 3:11-iň manysy
Siziň gozgaýan soragyňyz köplenç ýalňyş düşünilýän soragdyr. Köpler bu aýatlary Pentikostda Mukaddes Ruhyň inmegi bilen baglanyşdyrarlar, we ulanylyşda bu ýerliklidir (Resullaryň Işleri 2). Emma, Mukaddes Ýazgylary düşündirmegiň ýeke-täk howpsuz ýoly onuň kontekstinde düşündirmekdir.
Mattanyň Hoş Habary Patyşanyň görkezilişidir we esasan Patyşalygyň hakykaty bilen meşgullanýar.
Ýahýa çokundyryjy gürleýärkä şeýle diýýär, «Gökleriň Patyşalygy ýakynlaşdy» (Matta 3:2). Ýahýa öz Mesihiniň gelmegi mynasybetli toba edýän ýewreýleri çokundyrýar.
Mukaddes Ruh we ot bilen çokundyryjak Biri gelýär. Reb Isa, şol Patyşa bolan Bir hökmünde, ret edildi, we Onuň ýerdäki Patyşalygy Ol Müňýyllykda höküm sürjek Güýçli Bir hökmünde yzyna gelýänçä yza süýşürildi. Şol wagt gelýänçä, Mukaddes Ruh toba edýänleriň üstüne, ýewreýleriň we milletleriň üstüne, Gökleriň Patyşalygyna girizilen halas bolanlaryň üstüne döküler, we soňra galanlaryň üstüne höküm ody (Matta 25).
Şol aralykda, Matta 13-däki ýedi mysalda beýan edilen Gökleriň Patyşalygy indi Patyşalygyň «gökdäki tarapydyr». Ýagny, gökden dolandyrylýan patyşalyk, Patyşa Gökde ýok, we Patyşalygyň raýatlary Onuň gaýtadan gelmegine garaşýarlar. Soňra ýerdäki Patyşalygyň girizilmegi üçin sagat ýene başlar. Matta 11 we 12-däki ret edilmä nähili ajaýyp, beýik jogap şol Şöhrat gününde görüner. Şol aralykda, «biz nähili adamlar bolmaly?» (2 Petrus 3:11).
