16 dekabr 2024 duşenbe

Olar üçin Saňa ýalbarýaryn. Dünýä üçin däl-de, Maňa beren adamlaryň üçin ýalbarýaryn, çünki olar Seniňkidir. Meniň ähli zadym Seniňkidir, Seniňki-de Meniňkidir, Men olar arkaly şöhratlandym.

Ýohanna 17:9-10

Olary dünýäden almagyňy däl-de, şeýtandan goramagyňy dileýärin. Meniň bu dünýäden bolmaýşym ýaly, olar-da bu dünýäden däldirler.

Ýohanna 17:15-16

Atamyň Meni söýşi ýaly, Men-de sizi söýdüm. Meniň söýgimde galyň.

Ýohanna 15:9

Kim janyny dostlary üçin pida etse, mundan beýik söýgi ýokdur. Eger buýruklarymy berjaý etseňiz, Meniň dostlarym bolarsyňyz.

Ýohanna 15:13-14

Siz hem şaýatlyk edersiňiz, sebäbi başdan-aýak Meniň bilen bile bolduňyz.

Ýohanna 15:27

Sizde ýagşy işi başlan Hudaýyň muny Isa Mesihiň geljek gününe çenli bitirjekdigine ynanýaryn.

Filipililer 1:6

25-Eý, ärler, Isa Mesihiň imanlylar ýygnagyny söýşi ýaly, siz hem öz aýalyňyzy söýüň. Ol Öz ýygnagyny suw bilen ýuwup, Hudaýyň sözi bilen tämizledi, ony Özüne mukaddes halk edinmek üçin, janyny gurban etdi.

Efesliler 5:25-26