23 iýun 2026 sişenbe

Şunlukda, Hudaýyň halkyna Sabat güni ýaly ýörite bir dynçlyk garaşýar.

Ýewreýler 4:9

Halkym öýlerinde rahatlykda, howpsuz ýerlerde, asuda mesgende ýaşarlar.

Işaýa 32:18

Ol ýerde ýamanlar ýamanlykdan el çekýärler, ýadawlar-da dynç alýarlar.

Eýýup 3:17

Onsoň gökden bir ses eşitdim. Ol şeýle diýdi: «Muny ýaz: „Mundan beýläk Rebbimize iman edip ölenler bagtlydyr!“» Ruh hem şeýle diýdi: «Hawa, olar çeken zähmetlerinden dynç alarlar, çeken zähmetleriniň rähnetini görerler».

Aýanlyk 14:13

Isa bize ýol açmak üçin, ol ýere ilkinji bolup girip, Mäliksadyk derejesindäki müdimilik Baş Ruhanymyz boldy.

Ýewreýler 6:20

Eý, argynlar, agyr ýüklüler, Meniň ýanyma geliň, Men size dynçlyk bereýin. Meniň boýuntyrygymy dakynyň-da, Menden öwreniň. Men mylaýym hem pes göwünlidirin, janyňyz rahatlyk tapar. Meniň boýuntyrygym ýumşakdyr, ýüküm ýeňildir».

Matta 11:28-30

Munuň üçin Hökmürowan Reb, Ysraýylyň Mukaddesi şeýle diýýär: «Maňa dolanyp, rahatlyk tapanda halas bolarsyňyz; güýjüňiz asudalykda we ynamda bolar», ýöne siz islemeýärsiňiz.

Işaýa 30:15

Rebbiňkidir ýer we ondaky zatlar, älem hem-de onda ýaşaýanlar. Çünki Ol deňizler üstünde ýeriň düýbüni tutdy hem-de ony suwlaryň üstünde gurdy.

Zebur 23:1-2