21 aprel 2024 ýekşenbe

Hudaýy ädimme-ädim yzladym, Hudaýyň ýoluny tutup, ondan çykmadym.

Eýýup 23:11

6-«Seni söýýänler aman ýaşasyn! Diwarlaryňyň içinde parahatçylyk bolsun, gala diňlerinde howpsuzlyk bolsun!» diýip, Iýerusalimiň parahatlygy üçin doga-dilegler ediň.

Zebur 121:7

Meniň dogruçyl halkym iman bilen ýaşar, eger imandan dänse, ondan razy bolmaryn». Biz imandan dänip, heläk bolýan däl-de, imanymyza sadyk bolup, halas bolýan adamlardandyrys.

Ýewreýler 10:38–39

Olar biziň aramyzdan gitdiler, aslynda-da bize degişli däldiler. Degişli bolsadylar, biziň aramyzda galardylar. Emma çykyp gitmekleri olaryň hiç biriniň bize degişli däldigini äşgär etdi.

1 Ýohanna 2:19

Onsoň Isa Özüne iman eden ýahudylara: «Meniň sözümi berjaý etseňiz, hakykatdan hem, Meniň şägirtlerim bolarsyňyz;

Ýohanna 8:31

Emma soňuna çenli çydan halas bolar.

Matta 24:13

Hüşgär boluň, imanda berk duruň, mert boluň, gaýratly boluň.

1 Korintoslylar 16:13

Men basym bararyn. Täjiňi hiç kim almaz ýaly, imanda berk dur.

Aýanlyk 3:11

Ýamanlykdan üstün gelen hem ak lybasa beslener. Men onuň adyny ýaşaýyş kitabyndan öçürmerin, Atamyň we Onuň perişdeleriniň huzurynda adynyň bu kitapda ýazylandygyny tassyklaryn.

Aýanlyk 3:5