11 awgust 2026 sişenbe

Biziň Isa Mesihden eşidip, size yglan edýän habarymyz şudur: Hudaý nurdur, Onda hiç tümlük ýokdur.

1 Ýohanna 1:5

Men dünýädekäm, dünýäniň nury Mendirin» diýip jogap berdi.

Ýohanna 9:5

Biz Onuň bilen ýakyn gatnaşykda ýaşaýandygymyzy aýdyp-da, tümlükde gezýän bolsak, onda ýalan sözleýändiris, hakykaty berjaý edýän däldiris. Emma Hudaýyň nurda bolşy ýaly, biz hem nurda gezýän bolsak, onda biri-birimiz bilen ýakyn gatnaşygymyz bardyr. Onuň Ogly Isanyň gany bizi ähli günäden tämizleýändir.

1 Ýohanna 1:6-7

Nurdaky Öz halkynyň mirasyna şärik bolmaga sizi doly mynasyp eden Ata Hudaýa şatlanyp şükür ediň. Ol bizi garaňkylygyň ygtyýaryndan boşadyp, Öz söýgüli Oglunyň Şalygyna getirdi; Ogly arkaly günälerimizi bagyşlap, bizi azatlyga çykardy.

Kolosiýalylar 1:12-14

Siziň baryňyz nura we gündize degişlisiňiz. Biz tümlüge ýa gijä degişli däldiris.

1 Salonikliler 5:5

Siz dünýäniň yşygysyňyz. Depede gurlan şäheri gizläp bolmaz.

Matta 5:14

Goý, siziň yşygyňyz adamlaryň öňünde parlasyn, şonda olar gowy işleriňizi görüp, gökdäki Ataňyzy şöhratlandyrarlar.

Matta 5:16