12 sentýabr 2026 şenbe

Aýdymçylar toparynyň ýolbaşçysyna. Dawudyň mezmury. Ýa Reb! Patyşa Seniň kuwwatyňa şatlanýar, halas edendigiňe biçak begenýär.

Zebur 20:1-2

Ol Senden ömür diledi, Sen oňa berdiň ebedilik, müdimilik bir ýaşy.

Zebur 20:5

Sen oňa ebedi bereket berýäň, huzuryňdaky şatlyk bilen ony şat edýäň. Çünki Rebbe bil baglaýar patyşa, Beýik Hudaýyň sadyk söýgüsi arkaly ol sarsdyrylmaz.

Zebur 20:7-8

Günbatardakylar Rebbiň adyndan, gündogardakylar Onuň şöhratyndan gorkarlar. Çünki Reb ýel kowalaýan dag sili deý geler.

Işaýa 59:19

Başyňyzdan inen synaglar başgalaryň-da başyndan inýändir. Emma Hudaý sadykdyr! Ol siziň güýjüňiziň çatmajak synagyny bermez. Siz synaga düşeniňizde, Hudaý çykalga-da açar, synagdan üstün gelmek üçin gujur-gaýrat-da berer.

1 Korintoslylar 10:13

Bulardan başga aýdara zat galdymy? Hudaý bizlik bolsa, kim bize garşy çykyp biler?

Rimliler 8:31

Şonda tabşyryklaryňa nazar salanymda, men utanmaryn.

Zebur 118:6

Eý, patyşahym, bizi ýanyp duran küreden halas edip bilýän Hudaý – bu biziň gulluk edýän Hudaýymyzdyr, Ol bizi seniň eliňden halas eder.

Danyýel 3:17