«Rebi we Onuň güýjüni gözläň; Onuň barlygyny hemişe gözläň!» (Zebur 105:4)
Hudaýy aýdyň görmek we Onuň barlygynyň yşygynda bolmak üçin san-sajaksyz päsgelçilikleri ýeňip geçmeli. Biz her bir ruhy taýdan gowşadyjy işden gaçmaly. Biz ondan gaçmaly we ony aýlanyp geçmeli. Ol biziň ýolumyzy petikleýär.
Bizi dünýäde we Söziň içinde Hudaýyň peýda bolmagyna örän duýgur edýän zady bilýäris. Bizi gowşadýan, kör edýän we Ony gözlemegi islemeýän zatlary hem bilýäris. Hudaýy görmek islesek, bu zatlardan daşlaşmaly we olary aýlanyp geçmeli. Hudaýy gözlemek şony aňladýar.
We ähli tejribelerimizde aňymyzy we ýüregimizi Hudaýa tarap gönükdirenimizde, Oňa gygyrýarys. Bu hem Ony gözlemegi aňladýar.
«Rebi tapylýarka gözläň; Ol ýakynka Oňa ýalvaryň.» (Işaýa 55:6)
«Hudaýy gözläň we Gudratygüýçlüden rehimdarlyk diläň.» (Eýýup 8:5)
Gözlemek ýalwarmagy we dilemegi öz içine alýar.
Eý Reb, gözlerimi aç. Eý Reb, öz körlügimiň perdesini aýyr. Reb, rehim et we Özüňi aç. Men Seniň ýüzüňi görmegi küýseýärin.
Rebi gözlemegiň uly päsgelçiligi bu tekepbirlikdir.
«Tekepbirligi sebäpli erbet adam Ony gözlemeýär» (Zebur 10:4).
Şonuň üçin, Rebi gözlemek üçin pespällik möhümdir.
Rebi gözleýänlere berilýän uly wada, Onuň tapyljakdygydyr.
«Eger Ony gözleseň, Ol saňa tapylar» (1 Hronikalar 28:9).
We Ol tapylanda, uly sylag bar.
«Hudaýa ýakynlaşmak isleýän her kim Onuň bardygyna we Ony gözleýänleri sylaglaýandygyna ynanmaly» (Ýewreýler 11:6).
Hudaýyň Özü biziň iň uly sylagymyzdyr. We Ol bizde bolanda, ähli zadymyz bar. Şonuň üçin,
«Rebi we Onuň güýjüni gözläň; Onuň barlygyny hemişe gözläň!»
