Gündelik Ýagtylyk
Siz iýip-içip doýanyňyzdan soň, özüňize gowy ýurt bereni üçin Hudaýyňyz Rebbe alkyş aýdarsyňyz. Şonuň üçin hem siz ägä boluň, Onuň bu günki meniň üstüm bilen berýän tabşyryklaryny, hökümleridir parzlaryny ýerine ýetirmekden ýüz öwrüp, öz Hudaýyňyz Rebbi unutmaň.
Kanun taglymaty 8:10-11
Olaryň biri sagalanyny görüp, gaty ses bilen Hudaýy şöhratlandyryp, yzyna öwrüldi. Ol Isanyň aýaklaryna ýykylyp, Oňa minnetdarlyk bildirdi. Bu adam samariýalydy. Isa: «Keselden saplanan on kişi dälmidi? Galan dokuz adam nirede? Hudaýy şöhratlandyrmak üçin bu kesekiden başga hiç kim yzyna öwrülmedimi?» diýip sorady.
Luka 17:15-18
Hudaýyň ýaradan zatlarynyň ählisi gowudyr. Şükür bilen kabul edilen her zat asla ret edilmeli däldir. Sebäbi Hudaýyň sözi we doga-dileg arkaly kabul edilen iýmit Hudaýyň nazarynda halaldyr.
1 Timoteos 4:4-5
Kim haýsydyr bir güni wajyp saýýan bolsa, muny Reb üçin saýýandyr. Kim hemme zady iýýän bolsa, Reb üçin iýýändir, sebäbi ol iýýän zatlary üçin Hudaýa şükür edýändir. Kim käbir zatlary iýmeýän bolsa, Rebbiň hatyrasy üçin iýmän, Hudaýa şükür edýändir.
Rimliler 14:6
Rebbiň berekedi baýlyk getirýär, Ol bu baýlyga dert-alada goşmaz.
Süleýmanyň pähimleri 10:22
Rebbe alkyş aýt, eý, meniň janym! Sen nähili beýik, ýa Beýik Hudaýym! Şöhrata, şöwkete beslenýänsiň Sen! Sen nury don kimin geýýäň, gökleri çadyr dek gerýäň. Sen otaglaryňy suwlaryň üstünde gurýaň, bulutlary Özüňe söweş arabasy edinýäň, ýeliň ganatlaryna münüp aýlanýaň. Sen ilçileri ýeller dek edýäň, emeldarlary ot-alaw edýäň.
Zebur 103:1-4
Mukaddes Ýazgy saýlamalary Daily Light on the Daily Path kitabyndan (jemgyýetçilik eýeçiligi).
6 few 2026
1 Timothy 1:14
5 few 2026
John 10:10
4 few 2026
Deuteronomy 17:16
3 few 2026
Haggai 2:4
2 few 2026
1 Chronicles 4:10
1 few 2026
1 Peter 1:8
31 ýan 2026
Numbers 33:55
