7 oktýabr 2026 çarşenbe

Ýumşak adamlar bagtlydyr, çünki olar ýer ýüzüni miras alarlar.

Matta 5:5

Günüň astynda ýene bir zat gördüm: ýaryş ýüwrükleriňki däl, söweş-de güýçlüleriňki; çörek danalaryňky däl, baýlyk-da düşünjeliniňki; mähir-de bilimliniňki däldir. Çünki her kes amatsyz wagta we hadysa duçar bolýandyr.

Wagyz 9:11

Adam ýüreginden niýet edýär, onuň ädimine bolsa Reb höküm edýär.

Süleýmanyň pähimleri 16:9

«Eger Reb tarapdarymyz bolmadyk bolsa, näme bolardy? – eý, Ysraýyl, jogap ber şuňa! – Reb tarapdarymyz bolmadyk bolsa, adamlar bize garşy aýaga galanlarynda,

Zebur 123:1–2

Olaryň agzy ýalan sözleýär, olar ýalan kasam üçin sag elini galdyrýar.

Zebur 143:8

Eý, Hudaýymyz, Sen olaryň üstünden höküm çykar! Bize garşy gelýän bu beýik goşuna garşy çykmaga bizde güýç-kuwwat ýok. Biz näme etjegimizi bilemzok, gözümizi Saňa dikýäris».

2 Ýyl ýazgylary 20:12

Eger kimde danalyk kemlik edýän bolsa, goý, ol Hudaýdan dilesin. Hemmelere biminnet we jomartlyk bilen berýän Hudaý oňa hem berer.

Ýakup 1:5

Emma Hakykat Ruhy gelen wagty sizi tutuş hakykata alyp gider. Ol Öz-Özünden geplemez, näme eşitse, şony geplär we geljek zatlary size aýan eder.

Ýohanna 16:13

Rebbiň berekedi baýlyk getirýär, Ol bu baýlyga dert-alada goşmaz.

Süleýmanyň pähimleri 10:22

Öz ellerim bilen işläp, mätäçlik çekýänlere kömek etmekde men size görelde görkezdim. Rebbimiz Isanyň hut Özüniň: „Bermek almakdan has köp bagtyýarlyk getirýär“ diýen sözlerini ýatda saklaň».

Resul 20:35

Meýlis guranyňda garyplary, maýyplary, agsaklary, körleri çagyr. Şonda sen ýalkanarsyň. Çünki olar saňa öwezini dolup bilmezler, munuň öwezi saňa dogry adamlaryň direlen wagty berler» diýdi.

Luka 14:13–14

Onsoň Patyşa sagyndakylara şeýle diýer: „Eý, Atamyň ýalkanlary! Geliň-de, dünýä ýaradylandan bäri siziň üçin taýýarlanan patyşalygy miras alyň. Sebäbi Men açdym – nan berdiňiz, teşnedim – suw berdiňiz, kesekidim – myhman aldyňyz, ýalaňaçdym – don berdiňiz, hassadym – bejerdiňiz, zyndandadym – görmäge geldiňiz“.

Matta 25:34–36

Saz ýolbaşçysyna. Koranyň nesilleriniň maskili.

Zebur 41:1

Söýgi bilen wepadarlyk birleşer, dogrulyk parahatlyk bilen biriger.

Zebur 84:11